Aprèp lo badge de la Santa Estela, vaquí una autra polida noveltat : l’associacion MXL87, que fa de camisetas amb de vertadièrs tròces de lemosin dedins (Chabatz d’entrar…) adaptèt son visual « Coma Cal » (desvirament de Coca-Cola) sus un badge tot fresc sortit ! 
E vaquí çò que dona la resulta, agafada sus ma vèsta de jean’s, a costat del mieu ! 
Vòli encara mai de badges occitans ! ^^
Web : http://mxl87.com
Soi una granda afogada de las afichas de mai de 68. Çò que sabiái pas, es que d’afichas de mai de 68, se n’es pas estampat sonque a Paris, mas tanben a Tolosa. Aprenguèri aquò al Centre de l’Affiche de San Çubran, a Tolosa. I aguèt un Atelier Populaire, a n’aquèla epòca, a las Bèlas-Arts de Tolosa, qu’estampèt qualquas afichas tanben…
Demest las que m’agradan le mai, i a per exemple aquela (seguenta) qu’es sus la paret, en çò miu :
E tanben la famosa aficha « òme d’òc » en occitan :
Demandèri al tipe de l’acuèlh del Centre de l’Affiche de me contar l’istòria d’aquela aficha, la coneis pas… tan pièg… Çaquelà, a la gaitar plan, m’inspirèt… Le tèxte « as dreit a la paraula » me faguèt pensar a un Helvetica escrit a la man (les contrastes entre les diferents graisses d’Helvetica es plan a la mòda…) , e los cantons arrondits, es quicòm que se vei sovent dins les estampats d’uèi… encara una mòda… Brèu, caliá pas grand causa per ne faire quicòm d’actual, la magèr part del trabalh a ja estada faita…
40 ans après « òme d’òc », ai agut l’enveja, sul meteis principi, de faire un « femna d’òc », faguèri le design, o faguèri estampar sus de pegasolets… e ne vaquí la resulta :
Es un pegasolet, blanc, ròsa, e violet, que fa 4,5 per 7,5 cm… n’ai 500, alavetz se ne volètz, ne vos mandi un brave nombre, sufís de me daissar la vòstra adrèça (vertadièra, la per las letras en papièr…) dins mon mail : iciluce(arroba)gmail.com.
Segur, auriái pogut far e postar aquò dins l’OLC, o signar OLC les pegasolets… mas es mon enveja a ieu, e voliá pas engajar las amigas sus un messatge que benlèu es pas le lor…
Espèri que parlarà a mai que ieu, e que vos agradarà… A lèu !
(Lutz, que sortís doçament de son ivernacion…)
… qu’ara es pas mai en version bêta, mas en version finala ! ^^
Se tròba sus aquela pagina : > Telecargar Firefox 3 en occitan <
Encara un brave trabalh de Tot en Òc ! Òsca !
Ièr, passèri la vesprada e la serada amb las gojatas de Bordèu, Virginia (Occitaneta de l’OLC) e son amiga, que se fa sonar Contessa sul web ! E coma son afogadas de leopard tanben, m’ofrèron una tròp polida camiseta amb la crotz occiana leopard ! Legir la rèsta dau messatge »
Veni de legir sul blòg dels autres le rendut-compte de la manifestacion de Pau… quina vergonha per ieu d’aver pas redigit quicòm tanben ! Bon, es vertat que l’amorós e ieu arrivèrem un pauc tardièrs (gaireben res, sonque… 4 oras ! mai per l’aperetiu que per la protèsta !) Legir la rèsta dau messatge »
Que de nòu per aquel estiu ? Demest to çò que vegèri de las tendéncias (i a de cause que ne’n parlarai pas, coma las bòtas dubèrtas dels artelhs per exemple, gardarai sonque çò « portable » !) rentendrai :
• le grand retorn dels 90’s (macarèl me sentissi vièlha d’un còp !), çò mai marcant n’es le retorn del jean bleached, vèsta de jean (e autras camisas), eca… çaquelà las annadas 80 son encara aquí (e aquò durarà fins a l’ivèrn que ven !).
Le jean bleached/destroy, vèstas de jean, jean « boyfriend » (© fotòs madmoizelle.com) Legir la rèsta dau messatge »
