A prepaus…

Planvenguts sus la version 2.0 de Sens títol, lo blòg occitan que parla de tot e de res, e subretot de res.

La primièra version (estiu 2008) foguèt sus Nireblog, le primièr servidor de blògs amb una interfàcia en occitan. Mas m’agrada mai WordPress, que tròbi mai fisable. Qualques uns del forum Occitània, avèm començat a revirar WordPress en occitan (es pas acabat, nos podetz encara ajudar aicí) per que les del Bloguitge (e autres !) que vòlon pòscan migrar lor blòg aicí. Les messatges marcats [nb] son los qu’èran postats sus la version Nireblog…

A plan lèu ! 😀

Qui soi ?

Una gojata d’un bon trentenat, que demòra a Tolosa, que s’es tornat aprene l’occitan fa qualques annadas (2008)…

(ne sàber mai sus ieu)


• Primièr messatge recuperat de Nireblog

Comenci un novèl blòg… Parli occitan (se pòdi dire !) dempuèi… qualques setmanas ! 🙂

Ai començat de l’aprene en mai passat, amb de libres, a l’ostal, tota sola ! Pas en seguida d’una revelacion, non, me soi totjorn sentida de cultura occitana, ai totjorn coneguda l’istòria de la crosada, de la lenga, tot aquò… ai totjorn ausits les parents le parlar tanben. Alara, me diretz, perqué l’aprene ara e pas abans ? Sabi pas. Benlèu que me senti mai liure de le faire ara, per un fum de razons que serián tròp longas de vos explicar. 😉

Per le moment ai un pichon nivèl, vos escriure aicí es pas tròp complicat gràcia al dictionari, etc. Mas oralament, es una autra afar ! 😀 Vos trufetz pas tròp de ieu (un pauc, mas pas tròp) se vos plai, per totes les francismes e fautas que legiretz dins aquel blòg, cal plan començar un jorn, non ?

Per començar, perqué ne parli, vaquí lo mieu « matòs » :

  • le Parli Occitan, de Joan Rigosta, qu’aviái crompat en 2002, n’ai fach la mitat
  • L’Occitan tout de suite, edicions Pocket, n’ai fach la mitat tanben (ai un problèma de concentracion !) 😀
  • L’Occitan sens pena (Assimil), qu’ai pas encara dubèrt, malgrat la votz de mon amic Maurici Andrieu (quina vergonha !!)
  • mon melhor amic lo lexic Tot en un
  • Los Vèrbs conjugats, de Patrici Poujada, que foguèt un grand amic de mon paire
  • Le Vocabulari Occitan, de Lagarda, etc.

De libres, n’ai un fum, mas lo temps me manca (e un grand còp de pè pel cuol per m’i botar, encara mai !). Es perqué me cerqui un bon cors per la dintrada.

Vos parlarai aquí de la lenga, de tot çò que se passa (per ieu) dins ma vila (Tolosa), d’un fum de causas futilas (o pas…), e de tot çò que me passa dins lo cap (còps de morre compés). Interessant o pas, a vos de veire !! 😀

Mas al fach, « quina soi », coma díson sus Nireblog ? Me soni Lutz (revirada de mon pichon nom francès qu’es Luce —e que vòl dire lutz—, preferi a « Luça », qu’es una adaptacion que, per ieu, vòl pas dire res !). Ai 30 ans, demòri a Tolosa dempuèi 11 ans, veni d’Arièja, mas ai totjorn aimada la granda vila, pòdi dire que soi una vertadièra tolosenca ! Dins la vida, fau de grafisme e tipografia, mas soi subretot afogada d’aperetiu ! 😀

A Tolosa, podètz me trobar : sus un velò a romegar contra las veituras, a una terrassa de cafè près de la plaça Esquiròl, sus las ribas de la Garona, a la mediatèca, a la botiga bio mas la magèr part del temps, soi davant lo mieu Mac…

A plan lèu !

PS : ma maire, qu’a legit aquel article estampat, prafera Luça, qu’es normal per ela… Lutz fa tròp « espahnol ». Tssss…


• Comentaris recuperats sus Nireblog (9)


  1. Tony Gaillard — 2008-08-22

    Dempuèi mai 2008 solament, e ben.. as un bon nivèl !

    Per aprene, i a tanben los libres de Joan Bodon que son facil, mas per ieu per pas faire de fautas la melhora metòde qu’es d’escriure dins un luòc o pòdes èsser corregit, per exemple http://occitania.forumactif.com o http://oc.wikipedia.org
    Òsca pel blòg

  2. Parpalhon — 2008-08-22

    Òsca per lo ton blòg en occitan Lutz !!
    Jo tanben trobi qu’as un bon nivèu tà lo pauc de mes qu’as estudiat la lenga noste !
    Qu’èi l’impression que i a de mei en mei de blogaires occitans, « la generacion ordinator » que sauvarà la lenga noste hehe
    E saps qué ? Jo tanben soi un pauc ariejésa !

  3. Pasha — 2008-08-22

    Adiu Lutz !!

    Quò fai plaser de veire ‘na nireblogaira de mai :o) Espere te tornar legir regde !

    Potons dempuei lo Lemosin

  4. Lutz — 2008-08-22

    Mercé plan a vos dos per vòstres comentaris ! Un bon nivèl, benlèu, mas a l’escrich… ai besonh de pratica de la lenga…
    Tony, coneissi les ligams, Wikipèdia, ai un perfil dessus, mas le temps me manca per escriure un atricle de bona qualitat ! (e compreni pas tot a lo biais per crear un article novèl !)
    Parpalhon : d’ont, en Arièja ? 😉

  5. Lutz — 2008-08-22

    Pasha > aviái pas vist le tieu comentari ! Mercés & potons de la cuitat mondina ! 😉

  6. Parpalhon — 2008-08-22

    qu’ei lo pair de la mia mair-bona qui ei ariejés, de St Lizier.

  7. GuiGui — 2008-08-27

    Adieu! Nos coneissèm pas, mas demòri tanben a Tolosa (Montaudran). Per aprene la lenga, t’aconselhi tanben « l’occitan lèu lèu e plan » de Gaston Bazalgues. çaquelà aquel es de mal trobar, es un vielh metòde. Ieu le trobèri entà la libraria occitana de la carrièra del Taur, prèp San Sernin. Mas èra le darrièr!
    A lèu

  8. Hilari — 2008-09-05

    Perqué totes li avètz aconselhat qu’aprenga la lenga dels libres e pas de la carrièra? Sabi ja qu’ambedoas formulas son complementàrias e imprescindiblas, mas li caldriá pas resignar-se a aprene la lenga sonque dels libres: tant de bon poguèsse tanben aprene l’occitan dins la carrièra.

  9. Lutz — 2008-09-06

    Adieu Hilari ! Soi plan d’acòrdi amb tu, mas a Tolosa es pas aisit de trobar qualqu’un dins la carrière per parlar occitan ! 😉 I a pas gaire que l’Estanquet…

Advertisements

One thought on “A prepaus…

Los comentaris son tampats.