La vertadièra istòria dels cookies

Un còp èra, fa bèl temps, quand lo angleses èran dins Aquitània, i aviá un tipe (un anglés) dins una cosina que chapava de pastissons a l’amagat, coma qui pana. Un òme del país dintrèt, e lo vesent, li diguèt :

« Coquin ! » 😉

L’autre creguèt qu’èra lo nom de çò que manjava. Es la vertadièra rason perque uèi, en anglés, un pastisson se sona cookie

Adieu paure Carnaval !

Pels qu’aurián mancat lo Carnaval de Niça o le de Pau, dimenge passat le 21 de març, se podiá encara veire cremar un Mossur Carnaval a Limós pardi ! Le Carnaval mai long del mond ! (e òc, en ne fasent pas sortir qu’una sola « banda » cada dimenjada, normal que te prenguèsse 3 meses !) ^^

Vist qu’en febrièr oblidèri de viure, i anèrem al de Limós, amb l’amorós, la maire, e de sas amigas. Vos botarai pas aquí que d’imatges, les curioses pòdon totjorn vesitar aquelis dus ligams :

~ Le Carnaval de Limoux – Présentation ~ Tèrra de Lutz – Carnaval de Limoux (fòtos de Georges Souche) ~

• Sortida de 5 oras

_

Cada an, es una banda diferenta qu’acaba le Carnaval, ongan èra la banda del « Pont Neuf », tot de negre e roge vestits… e seguits per de carnavalièrs ! Contunhar la lectura

Sorcelum Occitan

(coma promés, la sintèsi de ma recerca sul subjècte, qu’èra le tèma de mon oral de la setmana passada)


Le sorcelum en Occitània coma dins Euròpa tota ven d’ancianas religions politeistas o mitologias d’abans le crestianisme. La Glèisa assimilèc qualques fèstas paganas, per mièlh estofar aquelas cresenças.
Le sorcelum seriá nascut en Euròpa a l’entorn de l’an 600, s’en seguèc una repression a l’Atge Mejan, amb la mesa en plaça d’una inquisicion, coneguda jol nom « caça a las brèishas ».
A l’epòca modèrna, le racionalisme scientific diguèc que se caliá desbarrassar d’aquelis arcaïsmes, al nom del progrés e de la rason. Contunhar la lectura

De novèlas… en brèu…

Adissiatz a totis !

Fa bèl temps qu’escriguèri pas res aicí, per manca de temps per me mainar d’aquel blog. Passèri una brava part de la devalada e de l’ivèrn sul chantièr de mon apartament, que ne podètz seguir l’avançament sul blog del Marçau. El a le coratge de redigir mai o mens regularament quicòm aquí-dessus, ieu, manca per un article o dus, non ! ^^

Ara qu’es plan avançat bufi un pauc. Urosament, pr’amor que pensavi aver acabat tot e poder viure dedins pel començament de la fac en febrièr, e qu’es pas le cas, soi encara en çò del Marçau ! Bon, ara tot es pas acabat mas le sòl es pausat dins le salon, qu’o vau lèu poder amenajar, e dins qualques jorns prendrem nòstres « quartièrs d’estiu » se le temps o vòl ben.

La fac ? Descubriguèri aquel mitan estranh, qu’a sas costumas pròprias ! :p (e son quite parlar particular). Me fa de trabalh, que de còps me sembla completament nèci. Vesi pas, per exemple, çò qu’una traduccion d’un autor francés ven far dins un cors de Civilisacion (occitana, normalament, s’es per aprene la cultura francesa, mercés plan, ai ja un Bac L !) Tròbi nèci tanben de far d’exercicis de conjugason del condicional amb « sus la fòrma : s’aviái d’argent, te ne donariái, conjugatz… » per aprene 2 setmanas aprèp que fin finala per aquela mena de frasa, çò que vos ai dit es falç, cal un imperfait del subjonctiu ! (sens desconar !) De causas atal me fan venir cabra ! Senon, i a de causas interessantas çaquelà, tot es pas marrit a la fac, disi pas aquò ! En « civi » quand avèm de tèxtes de grafia patesantas de legir, e de ne far una transcripcion en grafia classica ieu m’agrada fòrça, dins aquelis tèxtes avèm la prononciacion dels vièlhs, çò que nos manqua (de referéncias de prononciacion) quand aprenèm la lenga. Aprèp, vist qu’a la fac soi gaireben la sola d’aver enveja d’aprene de sud-lengadocian (a Tolosa òc, s’apren una mescla de sabi-pas-d’ont-es-aquel-occitan, m’es estat dit d’escriure pas « digús » pr’amor qu’èra une forma tròp localisada !), farai aquò (la transcripcion) amb çò que trobarai de tèxtes d’autors d’aquí, pel benefici d’aquel exercici per mon dialecte. Senon, en lenga (e òc, cresiái pas avec de corses de lenga dins una UE de Civi, mas si !) avèm dus orals de far, suls subjèctes que volèm, e aquò es mai qu’agradiu ! 🙂 La setmana passada, lor faguèri una pichòta presentacion del sorcelum en occitània, subjècte que me tenta ben d’aprigondir, fau de recercas personalas, a mon ritme (tranquila qué !) dempuèi qualques meses ! Vos postarai aquò dins un bilhet aquí lè-lèu !

Soi estudianta !

Val mai tard que jamai… a 31 ans, soi inscrita dins una universitat de l’ensenhament public francés ! 😀

Ièr anèri al Miralh per « l’inscripcion administrativa », e ben… per les que capitan a s’inscrire, lor caldriá validar una UE* sonque per lor coratge ! ^^ Les papièrs de la Secu e de la Caf son de melhor entressenhar que lor formunari ! (Bon, rai, aquò, es fait ! )

logoUTM_occ-vignette

Contunhar la lectura

Mon veire es pichon, mas es le miu ! ^^

Me veni de crompar un apartament a Tolosa. I somiavi dempuèi un fum de temps : aver un niu a ieu ! Per ieu que fa… macarel, 12 ans que demòri a Tolosa (1 an per pèrla de la crotz, tot un cicle, que !) e que soi amorosa de ma vila, es un bonur ! 🙂 Contunhar la lectura

Ai prés le metrò per vosaus ! ;)

metro

Per les que son pas a Tolosa e que son curioses de las anonças vocalas d’estacions en occitan (en mai del francés) soi anada far una presa de son dins lo metrò amb mon telefonet ! 😉 I a pas que la linha A per manca de bateria, mas vos donarà ja una idèa ! 🙂 Ensajarai de far çò meteis dins la linha B se n’ai léser, perque amb mon desmenajament qu’aprocha, res es pas mens segur ! ^^

(nòta : me ne manca un trocinet : « Prochaine station Argoulets – Los argolets »)