Soi estudianta !

Val mai tard que jamai… a 31 ans, soi inscrita dins una universitat de l’ensenhament public francés ! 😀

Ièr anèri al Miralh per « l’inscripcion administrativa », e ben… per les que capitan a s’inscrire, lor caldriá validar una UE* sonque per lor coratge ! ^^ Les papièrs de la Secu e de la Caf son de melhor entressenhar que lor formunari ! (Bon, rai, aquò, es fait ! )

logoUTM_occ-vignette

Dins la coa, i aviá la Sofía qu’esperava son torn tanben. Avèm passat un pichot moment a parlar, ela de sa licéncia, ieu de mon DU, d’estudis, que ! De tot e de res. Un còp son torn arribat, aussiguèri dins la coa, a baissa votz « on est tombés avec les occitanistes ». Bon, la pròva (mercés al metrò ?) que las gents sabon ara quina lenga es ! Mas çò estranh, es que passan lor temps a dire que l’occitan s’ausís pas jamai per carrièra a Tolosa, mas se le parlam, sèm pas de simplas occitanoparlantas, sèm d’« occitaniastas » ! Coma s’èrem a parlar de pausar de bombas dins la fac ! Tsss…

Bon, mon torn arribat, decubriguèri que m’an validat (amb l’equivaléncia de l’IEO) non pas 2 UE coma cresiái mas 3 (sus 4). Le DU es fait de 4 UE, 3 de lenga, 1 de civilisacion ! Ben me demòra pas que la de civi ! (çò que veniái cercar a la fac, un complement cultural a mon aprentissatge de la lenga). Doncas 4 oras de cors per setmana, que començaràn en febrièr (2nd semèstre). Vos contarai le contengut dels corses… 😉

Un còp tot acabat, te balhan una carta d’estudiant tota novèla, amb una puça magnetica (per la BU** et autres…), e un Monéo dessus per te pagar le resto U ! E ben…

*Unitat d’Ensenhament, per les que son pas acostumats —coma ieu !— al « jargon » universitari ! 😉
** Biblioteca Univesitaria ________

Ligam : L’occitan a l’Universitat de Tolosa le Miralh

Advertisements

6 thoughts on “Soi estudianta !

  1. Me sembla que te lo trapas plan regde lo « jargon ».
    Quò me fai pensar que suèi jamai estat fotut d’èsser coma ‘na dròla de la mesma fac que ieu, quò se contunha…

  2. Me faudria far mèfi a petar pas lo míte : suèi estat mai longtemps present au Miralh dau moment qu’ere pas inscrich que dins l’annada que l’i fuguèi inscrich.

  3. Me, ai totjorn pas mandat mon dorsier per l’inscripcion administrativa a la licéncia d’occitan de Montpelhier !! Ieu e los papiers… Tot parier la Maria Joana a desja mandat lo trabalh de far !!! Sei de legir los barròques occitans…

  4. M’afradariá aquò ! 🙂
    Perqué fas la licéncia tu ? Pel plaser ? Me ne diràs mai suls barròques occitans ? 🙂

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s