Tisséo… òc… òsca ! :)

E ben i cresiái pas… E ben o van faire ! 🙂

carte
© carta postala Convergéncia Occitana

De qué parli ? De las anonças oralas en occitan dins le metro de Tolosa ! Per una suspresa, es una de las bonas !

Çò ditz La Dépêche :
Les annonces des stations vont se faire en français et occitan dans le métro toulousain pour le festival Occitania. Et elles seront maintenues.
(Las anonças de las estacions se van faire en francés coma en occitan dins le metro tolosenc pel festenal Occitània. E seran mantengudas.)

Sabi pas qual i es per qué dins aquel afar, mas le(s) merceji plan ! Me sembla interessant per mantunas rasons :

• es l’escasença de far ausir a las gents de Tolosa la lenga del país, e aquò’s pas res ! Tolosa va tornar prene sa dimension de vertadièra ciutat occitana, jos la tèrra pel moment (!) mas qual sap de l’avenidor ?
• las autras vilas van poder demandar çò meteis, arguissent « mas a Tolosa, l’an, elis, perqué pas nosaus ? »
• e, darrièr punt que me sembla màger, per ieu, de las demandas, accions, en favor de la lenga, me semblaba la mens probable qu’abotiguèsse. Doncas, anèm poder demandar un fum de causas « mens gròssas » (daissem parlar la nòstra imaginacion…), totjorn en podent dire « mas i a ja le metro, alavetz perqué pas … e …, e tanben … ? é ? perqué pas ? 🙂

L’imaginacion al poder !
La lenga de pertot !

Tolosa t’aimi ! Per Tolosa, totjorn mai* !

Legir l’article de La Dépêche (clic)

* Devisa oficiala de la vila de Tolosa, pas jamai cambiada/revirada en francés.


PS : pòt pareisser colhon de revirar la citacion del jornal en occitan. O fau perque, a parlar amb de catalans sus Facebook, o quitament aicí sul blòg, me soi mainada qu’es pas automatic que compréngan le francés. E es una bona causa, aquò mòstra que l’occitan es ben una lenga de comunicacion, e non pas quicòm de parlat sonque per de francofòns.

Advertisements

4 thoughts on “Tisséo… òc… òsca ! :)

  1. La dinamica ! Aquò’s la debuta de la dinamica ! Mes se cau sustot pas estancar aquí e esperar la seguida ! Cau contunhar, cau possar ! Uèi, Tolosa, doman, l’Occitània sancèra !

  2. Ta reaccion resuma ben l’esperit de las gents qu’aprenon aquela novèla : de primièr > aaaaaaaahhhhhhhhhh ! puèi > cal pas dormir sus aquela capitada, contunhem de bolegar !!!

  3. Òc, aquò es la prova que soi quauqu’un deu pople(èi pas dit quauqu’un de comun …)

  4. Fa plaser de veire aquò. Cal far viure la lenga per las carrièiras lo mai possible, viva Tolosa !

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s