Estivada 2009

Ma primièra Estivada. La programacion nos tentava pas tròp, mas i sèm anats çaquelà. E ben francament, l’Etivada, manca per la darrièra serada del dissabte, valiá mai lo còp pel off (que se sona Estofinada, èra le 7n off…)

got (i aviá de gòts estampats del lògo del festenal aquesta annada, e que se tòrnan utilisar, dedins, mon primièr cafè de la jornada, al campatge…)

Qualquas bonas suspresas musicalas doncas. E de causas interessantas de veire. Lum sus :

Vau començar per Eydolon, un dark-tolosenc ! Jogava lo dijòus dins le off. M’agradèt ja sa musica que descubriguèri sus son Myspace (clic). Un ambient que me parla, quicòm d’original… Èra plan interessant de veire cossí fa en live, perque fa tot a la votz sola, e al sampler. E la resulta a un son plan modèrne, una capitada. Es a registrar son 2nd CD, una afar de seguir. Vist que çò que fa se pòt escotar sus Myspace, vos boti aicí un tròç de Boier, registrat amb mon telefonet, desolada pel son merdós…

La seguida del off foguèt plan bona le divendres, e ma descubèrta musicala de la serada ven de las valadas. Se sonan Lou Quinse, fan de metalàs pelut coma l’aimi (vos ai ja parlat d’Hantaoma aicí), se pòdon tanben escotar sus Myspace (clic). Interessant de veire tanben coma an fotut le fòòòòc macarèl !!! Exegiri pas, mantunes de nosaus avián besonh d’una serada « Occitània que bolèga », nos an fait de ben ! Anèm, quitament se podètz cargar lor musica aicí (clic) vos vaquí un pauc de live :

Un còp tot acabat, demòra le Cabaret ! Fins a 2 oras, la fèsta contunha, dedins (cadun pòt jogar de musica, dançar), e defòra (çò meteis !) ^^ Qualques tròces d’ambiant tanben :

DEDINS >>>

DEFÒRA >>>

Le darrièr ser, la programacion del in èra plan, mas ai pas res pres coma video o son, sonque de polidas fòtos de concèrt ! 😉

Sonoloco, un grop de punk-rock que nos parla lemosin (m’agradan a ieu les peluts del nòrd) :

sonoloco1 sonoloco2 sonoloco3

An un siti web, son sus Myspace tanben, e ne vaquí una cançonèta en escota (crompèri le CD, soi tornada amb un fum de musica !) :

GoulamasK, que faguèt plan bolegar tot le monde per acabar le festenal ! (qual les coneis pas ja ?)

goulamask1 goulamask2 goulamask3

Vaquí ! 🙂 E ben francament, las cançons « trad », a n’aquèla Estivada, i aurà pas gaire que le trin que lor serà pas passat dessus !! ^^

Senon, l’OLC passarà a la ràdio, mas tot aquò vos’n tornarai parlar endacòm mai… 😉 bona fin d’estiu a totis ! 🙂

Advertisements

5 thoughts on “Estivada 2009

  1. Enfin dau Rock ‘n Roll ! enfin un vertadier festenau amb son off.
    L’estivada es coneguda per èsser un eveniment que s’i passa dau mens per la fòrma.
    «_ De qué fas en julhèt ?
    _ Sabe pas tròp, passarai a l’Estivada, benlèu. »

    Puèi fin finala se trapa que tot lo monde l’i es. A tau punt que los organisaires se pausan sus de las valors seguras. Lo quite Daniel Loddo me disia « I jogam cada dos ans a pus prèp… »
    Urosament que se trapan quauques peluts dau nòrd 😉 serios, de las gents u’an dau gros sone la nhaca n’i a de pertot. Qu’es temps de lor far ‘na plaça au costat dau trad e dau sunshine-reggae.

  2. Lo plaser d’encontrar lo monde, es aquò l’Estivada en prumèr per jo, mes vertat que la programacion deu dissabte m’a agradat !
    Sinon, e’m poiràs explicar com hès per trencar los tons articles sus la pagina principala o es specific au vestissatge qu’as causit ?

  3. Jo tanben çò que m’a mei agradat es d’arretrobar lo monde que vedi pas sovent !! Marçau e tu per exemple ! ^^

  4. L’òme, aquò depend pas del vestissatge, es una balisa, que se pòt botar ont vòls dins ton tèxte, la balisa es le boton amb un imatge de pagina copada en 2, après les 2 imatges de « cadena » per inserir un ligam. Va veire dins ta fenèstra d’edicion… 😉

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s