Tardièrs, mas venguts

cridaVeni de legir sul blòg dels autres le rendut-compte de la manifestacion de Pau… quina vergonha per ieu d’aver pas redigit quicòm tanben ! Bon, es vertat que l’amorós e ieu arrivèrem un pauc tardièrs (gaireben res, sonque… 4 oras ! mai per l’aperetiu que per la protèsta !) mas, bon… i foguèrem nosautres tanben ! La Mela e le Joan tanben, le contan sus lors blògs… mas les avèm mancats ! 😦 Per contre, vigèri Parpalhon que coneissiái pas encara (dins la vida vertadièra), l’Òmi, Capbreton e Danís del forum Occitània, i aviá de monde del Bloguitge ! 🙂

Qualques imatges :

ostal de vila

Arribats a l’Ostal de vila

banderas

Aficha de la manif, bandièra catalana, e occitana al fons ! 🙂

quiòsc

Al quiòsc,

calendreta

Bandieròla de las calandretas, davant le quiòsc…

discors

Discors de fin de protèsta.

Aprèp, anèrem beure un còp a la Tor deu Borrèu, amb les tipes e gojatas d’Anaram. E Passèrem una serada fòrt simpatica amb elis e 2 catalans venguts per l’escasença tanben. Se pòt veire mai de fotòs de la manif sul blòg d’Anaram ! 🙂

E sul camin per tornar trapar la veitura… (fotò-bonus : la deuche bearnesa !)

deuche

Segon la premsa, i aviá un milierat de personas a la manifestacion ! Una capitada ! 🙂

E tot aquò m’inspira una reflexion personala, qu’engatja pas que ieu. Les bearnés son capables d’organisar una manifestacion, dins una vila coma Pau, que concernís « Gasconha » (e que se ditz pas « anèm, òc… » totis a…), e que le monde es mes al fial sonque qualquas setmanas avans. E i son arribats, una capitada, vos disi ! 🙂 Amb… una aficha bèla (d’acòrdi, es de Ben, es aisit, mas un còp portada per las gents dins la manifestacion, fasiá bel !) M’inspira… quicòm de pas bon per Carcassona. Deformacion professionala o pas, la coordinacion « Anèm Òc » comença sa campanha d’informacion per : 1/ fasètz-nos una aficha a gratís, causirem la que nos agrada le mai ! e 2/ se vos plaiii, crida a participacion financièra !! E le siti es pas encara mes a jorn amb las informacions ! Pau : 1, Carcassona : 0 (pel moment… espèri plan segur que la manif d’octòbre serà tanben una capitada !)

Çaquelà, i serem, e… benlèu a l’ora ? 😉

Advertisements

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s