Tendéncias prima/estiu 2009

Que de nòu per aquel estiu ? Demest to çò que vegèri de las tendéncias (i a de cause que ne’n parlarai pas, coma las bòtas dubèrtas dels artelhs per exemple, gardarai sonque çò « portable » !) rentendrai :

• le grand retorn dels 90’s (macarèl me sentissi vièlha d’un còp !), çò mai marcant n’es le retorn del jean bleached, vèsta de jean (e autras camisas), eca… çaquelà las annadas 80 son encara aquí (e aquò durarà fins a l’ivèrn que ven !).

Le jean bleached/destroy, vèstas de jean, jean « boyfriend » (© fotòs madmoizelle.com)

• las colors de la sason : avètz la causida entre siá de clar (blanc, pèrla, gris clar, color de pèl, pastel), siá l’oposicion blanc/negre (nos la tòrnan sortir cada estiu, aquela…), siá de colors vivas (d’irange, jaune, ròse, violet, o blau, en total-look se vos plai !), siá de colors grungy (gris, quaquí, eca…) N’i a vertadierament per tot le monde !
• las matèrias : jean, plan segur, mas tanben mossolina, seda brodada, coton moletonné, brodariá anglesa, croquet, dam, e tanben lurex.
• les detalhs : bragas regussadas, matèrias soplas e confortablas, talons nauts, franjas (tendéncia indiana)…
estampats : flors gròssas o liberty, tye&die (encara), orient 80’s (bandana, kashmir), camisetas estampadas de dessenhs figuratius, e… leopard colorisat !
accessòris : capèl de palha, esparciatas (totjorn aquí !), panièr de palha e sac etnic, jòias naturalas.
Per resumir las tendéncias : cool, 80’s/90’s, romantica, indiana o tribala, e encara glam’ rock…

e… crisi obliga… la tendéncia « recessionista » : le concèpt es de faire de la recup’ per se faire sa mòda de l’estiu ! (n’i a tanben que parlan de « recession chic » ! E se jamai crompas quicòm, la tòca es de z-o pagar lo mens car possible, le bling-bling es mòrt, out çò que te còsta un braç (bona novèla) ! 😛 Per exemple, pel jean slim bleached de la sason, sufís de passar un còp de javel sul vòstre vièlh !) Trobarètz la vèsta de jean (stone) dins vòstres vestits del colègi (l’avètz getat ? malurosa ! cal pas jamai faire aquò quant òm sap que tot, totjorn, tòrna a la mòda un jorn !) Pel bermuda o mini-short, un còp de cisèls, le saroel normalament l’avètz ja dempuèi les estius passats, le tie&die se fa amb le demai de vòstra botelha de javel ! 😉 Le must de la sason es le « jean-boyfriend » (portar un jean tròp grand e regussar le bas) encara una tendéncia que nos costarà pas un sòu ! La vèsta d’òme tanpauc… 2 basics per acabar : trench (l’avèm ja) e perfecto (le grand retorns dels 90’s vos disiái !)

Revista de pelhas de la sason : la vèsta d’òme, de leopard, un minishort, un capèl de palha, eca… (© fotòs glamourparis.com)

Bon, un còp digerit tot aquò, soi anada faire le torn de qualques sitis, per vos trobar çò seguissent. Foguèt pas aisit (la camiseta copa basica s’aplica pas a n’aquel estiu !) e ai l’impression qu’aqueste còp son les provençals que nos van tirar l’espina del pè…

Espèra un Pauc, a Marselha, nos faguèt ja l’estiu passat dos tops que pegan completament a duas de las tendéncias de l’estiu, demonstracion :

eup

1 -Orient 80’s bandana/kashmir ? Vos remembra pas le teissut provençal a vosautres ? Sens ne faire de tròp, tot dins lo detalh sus aquel top. (aquò + capèl de palha + minishort de jean + esparciatas = plan per l’aperetiu/la plaja/le barbacó)

2 – Camiseta amb un dessenh figuratiu ? N’i a un taben ! 🙂 (aquò + slim bleached + talons + vèsta d’òme = plan per la vila, las serardas, concèrts, dins un estil glam’rock)

Una marca que ne vos aviái ja parlat la sason passada, Les Olivades, qu’es pas una marca de vestits occitans, mas qu’es en Provença, e que fa una rauba (3) qu’es perfeita per la tendéncia romantica. Fan un sac (4) tanben, amb de teissut provençal dins un esperit que remembra l’India. Per aver a l’encòp un sac etnic e bandana/kashmir. Las esparciatas (o gaireben !) se trapan en çò de Les Tropéziennes, marca coneguda dempuèi dos estius ara, las ai, son plan confortables ! 🙂

olivades

Diversas causes, diverses endreits : las qu’an ja començat de faire las botigas an vist d’espardelhas compensadas. Las que son mostradas aquí (6) son las de la botiga basca Don Quichosse. E òc, soi anada veire tanben çò que fan los amics. Tornèm en Occitània amb una camisa de denim tindada al pastel (7), botiga Bleu de Lectoure. E a prepaus d’amics, cal anar veire les catalans Custo Barcelona (les coneisser pas es un grave pecat !), per las colors vivas, lor podèm faire fisança (8).

diverses

Bon, ara, vos daissi faire les pelharòts per trobar les pèças vintage que vos cal, chaupicar vòstres jeans, tie&die, e tot aquò ! Bon estiu !  🙂

Advertisements

2 thoughts on “Tendéncias prima/estiu 2009

  1. Auriam jamaiu degut quitar las 90’s, ieu gardèi lo mesmes vestits (‘fin la mesma mena) pendent 15 ans, aura an vertadierament viscut, damande de veire de que sembla qu`que se vai portar quèu estiu.

  2. Veirem ben, çaquelà, la fin de las conariás (bling-bling & co) es una bona novèla… (le retorn del grunge dins 1 o 2 ans ?)

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s