Calligrafia

Ièr, soi anada veire le metge, per que me renovele mas sesilhas d’ortofonia (soi pas luènh de quequejar pus, mas me cal encara un pauc de trabalh !) 😉 Mas bon, soi pas aicí per parlar d’aquò. En sortissent, soi anada faire un torn a Graphigro, la botiga de material de Bèlas-Arts qu’es a costat… e vaqui çò qu’ai trobat :

… un pincèl amb un gròs reservador, que se pòt recargar ! L’ai crompat amb un pòt de tinta de China, per ensajar de me tornar metre a la calligrafia contemporanèa, dita « gestuala » (que n’ai pas fait dempuèi d’annadas).

Ai fait qualques tèsts sus un marge de fuèlh, avans d’ensajar de ne faire quicòm de pas tròp marrit :

Sabi pas se le mot existís (un diminutiu de nívol ?) mas m’agrada… Es un primièr ensag mas tot aquò me balha d’idèas… e l’enveja de contunhar…


Una pensada per † mon amiga Sophie L-F, qu’aviá d’aur calligrafic dins las mans…

Advertisements

10 thoughts on “Calligrafia

  1. Si, fai un effiech coma se lo papièr era tengut davant ‘na chandela. Ta nivoleta me sembla luenh a l’orison quora lo solelh se va coijar en passar mai bas qu’ela e que lhi balha los reflet de brica ròsa.

  2. Lo primièr còp qu’ai prés l’avion (per anar a Frisco, fa un an doncas…) soi partida de Blanhac a 8 oras del ser, me soi trobada al mitan dels nivols ròsas… ahhh… *sospir*

  3. Siás quèca? Ieu quequegi de còps que i a… mas pas de longa, sonque de quora en quora. Es cagant.

    Excellent lo primièr ensag!!

    (L’occitan tout de suite .. es practic aqueste 😉 )

  4. E òc Mela, soi « quèca » mas de mens en mens (e urosament !) Te daissi imaginar mas annadas colègi/licèu… :/ Mond de mèrda !! 😛

  5. Ten, Lutz (Luça), sabi pas perque aquò me repela una istorieta :
    A la fieira, i avia un òme davant una tenta que disia :
    « Venetz, venetz veire Luça, l’autrussa, e lo grand pic verd ! »
    E lo monde pagavan e dintravan. Quand la tenta era comola, l’òme dintrava e disia :
    « Alara, vaqui l’ussa (mostrava son ussa), l’autra ussa (mostrava l’autra) e lo grand pin verd (mostrava un pin dessenhat sus un lençol).
    E lo monde s’eran faches colhonar, mas sortission risolents e disian a los qu’eran demorats defòra : aquò o cal veire, val los sòus !

  6. Ton dessenh me fai pensar a çò que fai lo Jan dau Melhau (de veire sus ‘na botelha de Cerva d’Oc). Me plai beucòp.

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s