« Lo berret qu’ei bearnés »

Le berret es bearnés (anatz veire çò que Wikipèdia ditz sus le berret), es a dire que le berret es occitan. E se i a un accessòri que tota occitana afogada de mòda deu aver dins son vestiari, es le berret. E vaquí perqué :

I a dos idèas totas fachas correntas sus le berret :

  1. le berret es francés (coma le pan, le vin, e le formatge), avèm vist qu’es falç…
  2. le berret es a la mòda/passat de mòda

Le berret es ni a la mòda, ni passat de mòda, perqué le berret es fòra temps, es immortal. La pròva en imatges :

• le berret dins l’art

le berret dins l'art

Rodin cofat d’un berret, doas femnas al berret pintadas per Picasso.

• Le berret portat per las icònas del cinema :

Le berret ultra-glamor : Greta Garbo, Anna Karina e Lauren Bacall.

• le berret portat per las estelas de uèi :

Madonna, Diane Kruger, Tori Amos (plan polida amb sos pòts glossy e son berret !), Dita Von Teese (qu’a la coeta mai longa, Padena diriá qu’es plan intelligenta), e Claudia Shiffer, que vòli pas saber çò que fa dins l’èrba)

Doncas, ni completament a la mòda, ni completament passat, le berret serà pas jamai le favorit de la sason, mas jamai oblidat tanpauc, n’i a quitament sus les desfilats 2008/09 :

De New-York (Marc Jacobs) a Milan (Armani) lo berret contunha de se mostrar…

Fin finala, podèm dire que le berret es cap e tot una capitada ! 🙂


[Ps1] se qualqu’un es interessat per una comanda agropada al museu del berret, digatz-o…
[Ps2] desfí-berret : enviatz-me una fòto per veire cossí portatz le berret… dubrirai una pagina-galariá amb totas nòstras caras… 😉

Advertisements

16 thoughts on “« Lo berret qu’ei bearnés »

  1. Oooh las pitas picas ssu las darrièras fòtos, d’annadas e d’annadas de ‘toshop, se vèu !!

    Vertat que lo berèt associat a la beaufitude francesa costumièra faguèt dau mau … ò son succès au delà de l’atlantic.
    Per ieu quò es un element utilitari daus vestits, demòra ren-mas las dròlas per ò poder portar crediblament coma un element de mòda.
    L’eimagine mau sus daus piaus longs, fau que sià pausat coma un bonèt e dins quèu cas me sembla pus au berèt que coneisse dau papèt. Laidonc daissèi tombar per lo futre. Mas lo berèt es de futre me diràs.

  2. Ieu, t’imagini ben amb berret/camisa a carrèus/dr martens… oblides pas qu’a l’epòca grunge, Kangol a fach un tabac amb son berret… 😉 (qu’es passat, el, dempuèi…)

  3. Sempre ai cregut que lo berret era tipicament… basco! Mai cresi qu’aquò vèn dau fach qu’i a una confusion entre çò bearnés e çò basco dins la tèsta dei gents… (E coma siáu un pauc limitat intellectualament :D)

  4. Adiu lutz!

    Quinas beròias fòtos!!

    Enter bascos, biarnés e gascons, qu’èi un metòde enta no pas har cagar los qui arrevendican lo berret…. basco+gascon+biarnés = VASCON! 😛
    E-ò lo berret qu’ei vascon, e taus qui dísen de que lo berret ei sonque francés… qu’ei com díser que la França ei lo país deus drets de l’Òmi … huhuhu!
    Après, si vòs díser qu’ei occitan permor qu’ei Gascon… perqué pas.
    En tot cap que hèi partida de la noste cultura, e que’u cau protedjar de l’invasion basca en Biarn! Ha Ha Ha que desconi!

    Sias hardida

    Hlo

  5. Ça que la, entre un montanhòl pirenenc « emberretat », vascons o pas, e las polidas femnas que nos mòstras, Luzeta, pòdi percebre de diferéncias plan claras :D. Es un pòc coma tos jeans del còp d’abans, finalament. Ah, mas non, pas totafèt! Enlevar un jean fa quitament pas lo meteis efècte coma enlevar un berret.

  6. Non, es sonque per aver pas a pagar car per lo mangatge ! Se sèm 2 o 3 interessats sus Tolosa o pas tròp luènh… n’i a un que t’agrada ?

  7. Non. Quan èri ado, ne portavi un. M’a passat. Te cau contactar lo godilhaire Jacme.
    O podriem organizar una virada en biarn. N’i a que podrian crompar berets, d’autes de jur

  8. Sai pas perqué, m’an interromput. Doncas èri a dire:
    N’i a que se podrian crompar de berrets, d’autres de botelhas de Jurançon, de Paisherenc e de Vic-Bilh, per exemple (de consomar amb de moderacion).

  9. En cuanto al berret, segun los datos que he podido recopilar, los origenes parecen ser efectivamente bearneses. No obstante, los vascos pronto lo adoptaron y diseminaron por Espanya y otras partes de Europa. El Dr. Arturo Lezama ha escrito un artículo interesante sobre los orígenes del berret: http://www.afubuy.com/boina2.htm
    Bruno Abadie, en otro artículo un poco emparentado con el ya mencionado, tambien nos da datos interesantes sobre la historia y orígenes del berret (lou bounet o la boina como tambien se dice): http://www.cg64.fr/fr/pagesEditos.asp?id=F4124550&IDPAGE=208. En el Béarn hoy sólo existen dos fábricas de boinas, Beatex en Oloron-Ste. Marie, y Blancq-Olibet en Nay. En 1936 se contaban 32 fábricas de berret in Francia. En cuanto al Pais Vasco, sólo hay una fábrica: Elosequi en Tolosa (Gipúzkoa). La producción del berret siempre se ha concentrado en el Béarn, lugar de su origen. Saludos a todos y felices fiestas!

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s