La brava secretària de la fac !

Jos-títol : Universitat de Tolosa Lo Mirailh II

Omenatge a ma co-bloguitjairitz Parpalhon… 😉

Uèi, soi tornada a la fac m’entressenhar, per le quatren còp… (smiley que n’a pro…)

Dintrèri, la secretària (qu’es novèla a l’URF d’occitan, e qu’i coneis pas res, es ela que l’a dit le darrièr còp quand foguèt dins l’impossibilitat de m’entressehnar, e deviá me telefonar per me dire tot, un còp que sauprà), m’aculhiguèt

Li diguèri « soi venguda i a doas setmanas per m’entressenhar sul DUEPL d’occitan
— Òc, me remembri », me respondèt, tota vergonhosa de m’aver pas telefonat : « desolada… —se repren— voliatz saber… blabla… blabla… ? »

Alavetz, m’a tot copiat, corrissent de corredor en corredor per me trapar lo programa, les oraris, e me balhèt un dossièr d’inscripcion (que normalament se deu anar cercar le 29, mas li ai dit que podrai pas). Foguèri mas que plan recebuda !

Se i aviá una morala a n’aquela istòria, seriá : la vergonha dels uns fa l’astre dels autres ! 🙂

(fin finala, après una lectura plan aprigondida de la documentacion… mmh… cossí dire ? soi pas qu’una canharda qu’aimi pas se levar d’ora le matin, mas… cresi que lo Godolin a ganhat una escolana)

Advertisements

10 thoughts on “La brava secretària de la fac !

  1. Te viras mistica a ton torn ? Tots los biais, tornar a la fac aprèp d’aver vust la vida en defòra, quò es pas parrièr. Quilhs jòunes colhons te fan sentir que siès pas coma ilhs. I a mas quilhs que ne son jamai surtits qu’an ton atge (e mai!) e te fau alinhar daus estats de servicis per poder tenèr ‘na conversa. Qué suèi agrit d’aver pas fach parrièr ? Non-non, suèi content ente ne’n suèi aura.

  2. I a pauc d’oras, sabes, òm es pas vertadièramant estudiant… 😉 E urosamant, devi trabalhar un pauc tanben !! 😀
    Mistica ? O soi estada… fa longtemps ! O sabes, soi plena de dobtes !

  3. Visca l’escolana novèla de Godolin! As fait çò qu’ai pas jamai gausat far, io !
    Lo pauc que sabi del lengadocian, lo devi a la Mela (una autra qu’aimi ;). S’es ocupada de mon cas que pensavi, a l’epòca, desesperat. Mas un pauc d’estudis (o de leiçons) serioses me fariá pas cap de mal…Enfin! Esperarai per vèire cossi se passarà per tu. Çò que ne pensas dels corses, nos o diràs! Al Miralh, mon filh seguèt de corses d’occitan amb Joan Tomàs e n’èra ben content.

  4. Qué ? N’ia una autra ? Una autra que ieu ? (es per sos pès ?) (lol)
    Perque dises qu’as pas jamai « gausat » ? De tot biais, vos dirai, òc… coma se passa…

  5. òsca, tu tanben qu’estudias l’occitan a la fac !!!
    Fin finala a la mia fac e n’i a ua secretària hèra simpatica, mes l’aute ….
    Que’m diratz se lo departament d’occitan deu Miralh es simpatic, pr’amor que com van las causas, pensi que diurèi anar a la fac deu Miralh dens quauque temps.

  6. Mas non, Parpalhon, fin finala anarai a l’IEO ! 🙂 (mas disi pas, se arrivi a trapar lo nivèl 2 aquesta annada, per la seguida, amb las equivalencias… benlèu un jorn !) 😉

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s