Dubri aquela pagina en seguida de l’article « Lo berret qu’ei bearnés ». Coma i diguèt lo [Ps2] >> « desfí-berret : enviatz-me una fòto per veire cossí portatz le berret… dubrirai una pagina-galariá amb totas nòstras caras… »
Dissabte, le 27 de Setembre : coma la vida es estranha ! Dempuèi qu’ai escrich aquel article, vesi de berrets de pertot ! Dimecres a la Pòsta (e l’endeman dins la carrièra, 2 còps !) un tipe amb una barba plan longa, un look de pelegrin, aviái enveja de le prene en fòto, mas ai pas gausit li demandar… (es pas possible d’èsser tan timida, òm arriva a res coma aquò…) E aqueste tantòst, un polit jove gojat dins la carrièra tanben… (sus mon velò, le fuòc que passa al verd, trop complicat d’anar li parlar…) En debuta de serada, a faire de crompas al Monoprix, vesi de berrets… n’ai ensajat un, per curiositat, çò que me permet de dubrir la galariá amb aquela primièra fòto…
(espèri las vòstras les amics, o las de vòstre papet, maire, can, peis roge (!), de desconeguts…
Ensag de berret al Monoprix, ai oblidat de sorire, preissada, per passar pas per una « ensaji-tot, preni-de fòtos, mas-te-cromparai-pas-res » !
Portat un pauc enarrièr, a causa de la franja…
___
Olivièr, dit « manja-patanas » perque es un gojat qu’aima los animals… quand ai vist sa fòto de perfil Facebook, li a demandat se voliá ben figurar dins aquela galariá.
Es plan fièr de nos mostrar sa « tòpa », e a pas oblidat de sorire, el…
___
Sòfia, la polideta gascona mai coneguda per nautres jol nom de « Parpalhon », berret portat a la « true occitana » !
___
