Sens títol

Ne vo, ne vo, ne vo… lem pas !

Lutz — Mon, 21 Mar 2011 23:34:53 +0000

http://www.aturemlaguerra.org

Bevètz de vin, senon, moriretz !

Lutz — Mon, 10 Jan 2011 00:33:14 +0000

Los Daneses faguèron un estudi fòrça interressent (publicat en 1995) sus la mortalitat ligada a una consomacion moderada de vin.
Lor conclusion : los beveires regulars de vin an una mortalitat netament inferiora a la mejana.
Mas qué vol dire netament inferiora ?

vòstra prescripcion medicala : 3 gòts per jorn

Imaginam una vila ont 100 personas morisson cada an. Vila dins la quala i a pas un quite beveire de vin !
Ara, suspausam que se convertiguèsson al vin.
• n’i auriá pas mai que 75 mòrts se bevon 1 gòt de vin cada mes
• 65 se bevon cada setmana
• 60 se bevon 2 gòts per jorn
• e… solament 51 per 3 gòts quotidians !

Santat !

Perque los franceses dison « gousse d’ail »

Lutz — Tue, 04 Jan 2011 20:32:06 +0000

Novèla istòria. Tant vertadièra que la precedenta. Si, si !

Un parisenc (anam dire…) venguèt en vacanças dins un vilatge entre Tolosa e Montalban, sabi pus lo qual. Rai.
Veguèt un òme qu’aviá un can, que li anava cercar e li tornava l’alh ! Un brave can, plan brave. (encara una istòria de can, ten…)

Lo parisenc, el, coneissiá pas l’alh ! N’aviá pas jamai vist ! Doncas demandèt a l’òme çò qu’èra, dins lo morre del can.
L’òme, el, se podiá pas imaginar que qualqu’un coneguèsse pas l’alh, creguèt que lo tipe li parlava de son can ! Li respondèt :
— Es un gos d’alh !

Dempuèi, en francés, se parla de gousse d’ail.

Bona annada 2001, lo monde ! ;)

Lutz — Mon, 03 Jan 2011 12:23:49 +0000

Blinis

Lutz — Mon, 27 Dec 2010 22:17:51 +0000

Bon, ben amb aquel freg, anam gaitar del costat de la gastronomia russa !
Veni de trapar una recepta aisida de blinis, testada, tastada, e aprovada.

☀ BLINIS ☀

• 1 iaort a la grega o bulgara (150g.)
• 1 uòu
• 1 pòt de iaort de farina (o mai o mens 100g.)
• mièg-saquet de levura quimica
• de sal

>> mesclar lo tot

Far coire dins una padena a blinis (pichòta, 12cm) a fòc median.

Vaquí !

Obtenguts amb una padena a blinis, un iaort a la grega, e en DOBLAR las proporcions.

Sens padena especifica, se pòt far tanben… (òc, sabi, ne foti de pertot…)

E la resulta amb padena estandard, iaorts natura (caliá ensajar, e ben marcha plan tanben), totjorn en doblar las proporcions.

S’acompanhan de tot çò que se tartina, e de la vodka de vòstra causida !

A chantar m’er…

Lutz — Mon, 06 Dec 2010 00:49:14 +0000

Una de las mai polidas interpretacions contemporanèas de Beatritz de Dia…

Vos daissi, coma ieu, aprofeitar d’aqueste momenton de gràcia…