Uèi, en vila, ai vist aquela aficha dins la botiga Etam, carrièra Alsaça-Lorena :

Etam o sap plan : le teissut del jean, le « denim » (que le nom ven de « de Nîmes ») es de çò nòstre ! Se coneissetz pas l’istòria d’aquelas bragas de legenda, ne vaquí tres variantas:

Madame.ca :

La grande histoire du jeans débute à Nîmes (…) dès le XVIe siècle. C’est là qu’est fabriquée la toile de Nîmes, d’où le nom denim. (…)

1853
Lévi Strauss, émigrant allemand et jeune colporteur débarque à San-Francisco où la recherche de l’or bat son plein. Il tente de vendre de la toile à bâche pour la confection de tentes, puis a la bonne idée d’en faire des vêtements de travail solides. Le produit connaît un grand succès, l’entreprise est lancée.

1860
La toile de bâche est épuisée, Lévi décide d’utiliser de la toile de Nîmes tout aussi robuste, mais de couleur bleue : le jeans devient le blue-jeans.

Zestory.com

Le Jean de Nîmes

Au XVIe siècle, le “genoese”, qui signifie “génois” en anglais, fait fureur dans la ville de Nîmes. Ce mot désigne le pantalon porté par les marins de Gênes. Il est taillé dans une épaisse toile de coton, ce qui le rend infroissable et peu salissant. Mais il faut attendre le XIXe siècle pour que Nîmes produise ses propres pantalons : le “sergé de Nîmes”. En 1847, un juif allemand émigré aux Etats-Unis décide d’exporter ce vêtement idéal pour les chercheurs d’or et les cow-boys. Il crée alors une marque à son nom, Lévi Strauss, et adopte le “denim”, déformation de “sergé de Nîmes”. A partir d’un pantalon nîmois, il vient de donner naissance à l’un des plus fameux mythes américains : le “Jean”.

Intellego.fr

L’origine de ce terme anglais denim est controversée. Il est possible qu’il s’agisse au départ d’une contraction de l’expression française « serge de Nîmes », étoffe faite de laine et de déchets de soie fabriquée dans la région de Nîmes depuis au moins le XVII siècle. Mais ce terme désigne aussi, à partir de la fin du siècle suivant, un tissu associant le lin et le coton, produit dans tout le Bas-Languedoc et exporté vers l’Angleterre. En outre, un beau drap de laine, produit sur les bords de la Méditerranée entre la Provence et le Roussillon, porte le nom occitan de nim. Il est peut-être lui aussi à l’origine du mot denim.

Tres istòrias pròchas, que mòstran una causa : de Nimas o del lengadòc, le teissut apelat denim pels americans ven ben d’Occitània ! E òc, le jean qu’ai fach le torn de la tèrra es un vestit occitan-californian… m’agrada plan aquela idèia…

California Dreamin’ on such a winter’s day

1. L\’Òmi — 2008-08-27

   Un jean qu’es pòt portar duas setmanas shens pudar ! (qu’ei ensajat …)

2. Lutz — 2008-08-28

   Pas en estiu ??? (e ! l’òmi ! te cal anar al lavomatic !!)

3. Axel — 2008-08-28

   Doás setmanas!!! Es un pauc… fòrça, non?

   Çò que compreni pas, es perque totei lei gents dison “jean” quand parlan de la tela “denim”…

4. Pons — 2008-08-29

   Siatz totes tants fièrs qu’aquò de portar de bragas que servissián de tela de tenda ?
   O es per poder respondre al monde que dison que “siás vestit coma un sac”, que “soi vestit AMB un sac” ?
   Çò melhor es de portar pas res, e d’anar al Lavomatic, un còp per setmana sufís.

5. Pasha — 2008-08-29

   E lo blu de china es de china o de la ciutat ???? )

6. Lutz — 2008-08-30

   Vòls un jean al pastel de Tolosa ??

E òc, parli de çò que coneissi (la mòda feminina) ! Les desfilats o dison : i a encara de negre e de gris coma colors de la sason que ven. Òc ben, anèm veire çò que se fan dins le « vestit occitan » :

Pas possible de parlar de vestit occitan sens anar far un torn sul sit d’Adishatz

Doas camisetas de margas longas, una mai feminina de Adishatz Classic, amb una camisa « basica » mas plan eleganta.

La seguida amb Qu’es Aquò, qu’an qualquas camisetas que se pòdon portar !

Una camiseta « basica » (l’ai ja, aquela), una amb un polit còl « batèu ».

Aquò’s un tricòt de pèl de… Macarèl ! (e òc, arribi a trobar quicòm qu’es un pauc a la mòda en çò de Macarèl, soi fòrta, non ?) Sonque per les jorns ont vòli far ma marrida ! Lo Drac an pas grand causa (e un sit qu’es totjorn pas en occitan !), mas aquel sweat val le còp ! (les dos ensemble, per anar al concèrt, o far tot petar !)

Per completar, perqu’anèm pas portar que de camisetas, i a un autre camin que voldriái ben explorar, es le dels produchs fachs en Occitània, amb de marcas que fan trabalhar les gents del país. Se « volèm viure e trabalhar al país », nos cal començar per crompar al país.

I a qualquas marcas interessantas, subretot en Provença :

En çò de Les indiennes de Nimes, pòdi trobar una capa (un must-have de la novèla sason !), e una jupa-braga*, feminina e pratica.

Les Olivades an una jupa e una blòda que son plan polidas !

E bona novèla pels pès, es la tornada de la bòta camarguèsa (savètz ? la dels gardians de la Camarga !). Un bon parelh de bòtas, s’en cal pas privar ! Se pòt botar amb tot ! Se tròba en çò de La Botte Guardiane, que travalha amb le biais tradicional, artisanal.

Parlem d’accessòris ara ! Ne vaquí un forra-borra :

1 2

3 4

1 Mocador de cap, motiu provençal, que va lèu descaçar le « Carré Hermès » ! 3 Polit sac. Les dos : Les Olivades 2 Òc òc, le berret torna a la mòda ! 4 Pòrta moneda. Les dos : Adishatz

Per le tieu sac, 4 agafa-pertot* Macarel, dos per èsser pas d’acòrdi, dos autres per faire la missanta !

E per acabar, un asimant de filha per la cosina, e un pegasolet Oc-Cie per la veitura, per dire d’ont venes en Occitània.

Foguèt mon primièr article de redactritz de mòda en lenga nòsta, vos balha rendètz-vos a la prima que ven per de novèlas trobalhas !

+ + = en terrassa de cafè

++ = per anar veire ton calinhaire

+ + = per anar al grand passa-carrièra de 2009 !

+ + = per anar far tas crompetas a la botiga biò, a velò, jos la pluèja…

1. Mars — 2008-08-26

   pejasolèt per la … veitura ???

   Ieu, sentissia plan ‘na sason davalada-ivern de confirmada dins l’estile jean-skinny-fit-e-talon-nauts, mas belèu qu’avià generalisat tròp rapidament.

   Avèm interest de surtir dau chamison basic per figurar ‘quí. La critica i es sens pietat.

2. Lutz — 2008-08-26

   Òc marçau, la camiseta classica per las femnas… es pas terrible !
   L’estile jean (qu’es occitan, lo veirà lèu) talon naut, es pas mòrt, se pòt portar amb aquela seleccion !

3. Mars — 2008-08-26

   Te pensas a Denim / de Nîmes ?
   Entre quò, las gardianas e los chapèus Caussadèls, franchament pas besunh de ‘nar visar de l’autre costat de l’Atlantic.

   Avia pensat un temps a estampar daus bandanas MXL87.

   (lo skinny-fit desapareis pas coma es vengut, bona chausa, fasia 10 ans que las dròlas amagan lors pompilhs

4. Lutz — 2008-08-27

   Desapareis pas lo slim, es un basic ara !

   http://le-mag.rushcollection.com/entre_nous/2007/11/le-jeans-slim-e.html

5. Mars — 2008-08-27

   En 2006, prediguèi que lo pat d’eph anava desapareissèr, quò met tròp de temps a venir ‘na realita tròbe. Vese pas ‘na generalisacion dau slim coma ne’n coneguèrem emb de las copas larjas, avia paur que duresse pas. Auria cregut ad’un retorn dau 501 dreit coma transicion

6. Lutz — 2008-08-27

   Lo « pat d’eph » torna a la mòda dempuèi aquel estiu !! Mas en mai larga sus tota la gamba… se sona « flare »

7. Mars — 2008-08-27

   Viguei a la prima passada, beuark !

8. Joan.Peiroton — 2008-08-27

   Bodu! Mas es tot en negre e blanc, aquò! Es previst per de daltonians?

9. Lutz — 2008-08-28

   O coneissetz pas res, les òmis !

10. Axel — 2008-08-29

    O coneissi pas res a la moda, mai capitar de faire un article de mòda ambé soncament de vestits occitans….. Es fòrça fòrt

11. Lutz — 2008-08-29

    Mercé plan !

12. Pons — 2008-08-29

    E cossí se decidís la mòda en occitan ?
    I a de desfialats de prevists al mitan de las protèstas ?
    I a de “Grands Couturiers” coneguts, de top-models ?

13. Lutz — 2008-08-30

    Pas encara ! (i cal creire !!)
    I a de cordurièrs coneguts, mas son tots anats trabalhar a Paris, coma… Christian Lacroix, Cacharel, tot aquò son de marcas nasgudas en Occitània ! E òc !

Sabi pas encara ont vau prene de corses d’occitan a la dintrada. Aviái pensat, plan segur, als corses de l’IEO, a l’Ostal d’Occitània, mas… es de nivèl 2 aquesta annada.

N’i a d’autres, segur, endacòm mai en vila, mas… i voldriái pas anar le ser…

Per quasi lo meteiss prètz (per an), i a la fac. Pas una licença, non, soi pas fòla ! Le DUEPL me sembla interessant… qualques oras per setmana, çò que me daissairá lo temps de trabalhar (cal plan ganhar sa vida !) Le sit m’entressenha un pauc (3 semestres, 4 UE) mais compreni pas tot (quina UE dins quin semetre ?). Alara, dijòus, i soi anada !

Cal saber que soi jamai anada a l’Universitat, foguèri dins una escòla privada, coneissi pas res al « sistèma » universitari. Dintri, vesi de gens qu’alestísson les 10 ans d’Attac, que sàbon pas ont ne pòdi sàber mai… Un còp l’acuèlh trobat, òm me ditz « vos cal anar a l’UFR de lètras, mas serà pas dubert que le 25 ». Mercés… decidissi d’i anar, sonque per veire, òm sap pas jamai… e ai plan fach ! A l’UFR, vesi que tot es barrat fins al 1èr de setembre ! An cartelats les UE, vaquí mas nòtas :

Occitan B13 (le bastiment) 299A (le burèu)

DUEPL

• OC A1 A0L Y
• OC A2 B0L Y
• OC B1 00LY
• OC 0004 Y

(les 4 UE, sabi çò que son, es pas aquò le problèma !)

Le vaquí, le problèma :

• S1 A1B
• S2 0004-A1A
• S3 1B-A20
• S4 A20

Qu’es aquela mèrda ? Cresiái que n’i aviá que 3, de semestres ! E si qualqu’un me pòt dire quina UE va dins quin semestre, es que sètz fòrts ! Ieu, i compreni pas res !

M’i cal tornar en setembre, se compreni, vos disi tot ! Se compreni pas, o qu’es tròp cagant, m’en anarai a l’IEO !

❦

1. Pasha — 2008-08-24

   Te fau l’i ‘nar a l’IEO, p’ita ! Tu fas un blòg en occitan sus l’Internet, me farias pas creire que t’as pa lo niveu dos !!!

   E tu comprenes pas ren a çò qu’era escrich ? qu’es normau… la secretària que l’escriguet, compren pas tanpauc…

2. Lutz — 2008-08-24

   LOOOOL ! Non, lo nivèl dos, a l’oral, t’asseguri que l’ai pas ! Davant l’ordi, es aisit : ai lo temps, lo dictionari… mas per parlar, n’i arribi pas : demanda a Marçau (Einucent) que m’a vista a l’Estanquet !!

3. Joan.Peiroton — 2008-08-25

   Pr’aquò, es simple.
   S3 1B-A20: Pòrta-avions tocat
   S4 A 20: Sosmarin ahonsit (sorry es de gascon, sèi pas quin e cau díser en lengadocian).
   Seriós: quan ajas trobat on apréner lo lengadocian a Tolosa, ditz-m’ac, que soi interesat .
   Tè, que’m soi inscriut a bloguitge! Espèri que lo Pasha e ns’organizarà un gran repaish deus blogaires de bloguitge, miladius !

4. Joan.Peiroton — 2008-08-25

   *interessat

5. Lutz — 2008-08-25

   Adieu Joan ! Per lo bloguitge, t’es marcat sus lo forum ?
   Vòls vertadierament aprene lo lengadocian ? Perqué ? Ès pas gascon, tu ?

6. Joan.Peiroton — 2008-08-26

   Bon, anem-z-i dins l’òrdre.
   Non, me soi pas marcat sul forum. Es obligatori, aquò?
   Soi de Tolosa, fa mai de vint ans qu’i demòri. Enfin, quant disi que soi de Tolosa, en realitat soi un trabalhador immigrat, vengut del Nòrd, una ciutat que se ditz Paris, sai pus tròp ont es. E soi pas capable de parlar lengadocian. Fa vergonha, vertat? Lo legissi mas lo parli pas. Es pas coma lo gascon. Soi gasconofòn(e). Entre lengadocian e lo gascon, ai causit d’aprene lo gascon. Es una question de preferéncia personala, es pas un afar d’origina etnica.

7. Lutz — 2008-08-26

   As razon de parlar gascon ! I a pas de vergonha a parlar pas lengadocian a Tolosa (la biba esquèrra es gascona, se dit…)
   Ne coneissi un que parla lemosin a l’Estanquet !! (i compreni pas grand causa, mas totas las variantas d’occitan sont planvengudas de pertot !)

8. Joan.Peiroton — 2008-08-26

   En realitat, las doas ribas de garona son lengadocianas a Tolosa. A Tolosa mateis, unicament los barris de Sent Simon e de Sent Martin deu Toish son gascons. Per saber se un vilatge de l’oèst o sud-oèst tolosan es lengadocian o gascon, pòdes anar véder aquí:

   http://pedagogie.ac-toulouse.fr/occitan/ressorgas/lenga/gramstlis.html#lim

   I podràs legir ço que seguís (en gascon tolosan):
   Les limits entre le gascon e le lengadocian son plan coneguts dempuèi l’enquèsta E. Bourciez (1895). Òm considera coma gasconas las comunas on la F es remplaçada per una H. Atau, avèm la lista que seguís per la Hauta Garona [ g : gascon. lg : lengadocian. ] : Sent Cesert (g), Launac (g), Larrà (g) / grandada (lg). Daux (g) / Mervila (lg). Ausona (g), Selh (g), Bausèla (g), Còrnabarriu (g), Colomèrs (g) / Blanhac (lg). Pibrac (g), Legavin (g), Fontanilhas (g) / Salvetat Sant Gièli (lg). Plasença deu Toish (g), Cunhaus (g) / Tornafuèlha (lg). Les barris de Tolosa de Sent Martin deu Toish e Sent Simon (g) / Totes les autes barris de Tolosa (lg). Portet (g), Pinsaguel (g), Ròcas (g), Murèth (g) / La Crotz Falgarda (lg). Pins e Justaret (g), Labarta de Lèsa / Goirans (lg), Clarmont le Fòrt (lg). Le Vernet (g) / Venèrca (lg). Lagardèla de Lèsa (g) / Grepiac (lg). Beumont de Lèsa (g), Aurivalh (g) / Miramont (lg). Lagraça-Diu (g), Poi Danèu (g), Mauressac (g) / Autariba (lg). Espèrça (g) / Galhac Tolzan (lg).

9. Lutz — 2008-08-26

   Mercé plan ! Aquel article m’entresenha tanben sus l’article « le » (a la plaça de « lo ») qu’a Tolosa s’emplega en gascon coma en lengadocian !

Aqueste matín, al corrièr, un libre qu’aviái crompat sus la teula : « Le catalan de Poche ».

Le meteis que le mieu « Le languedocien de poche », que per le prètz es un bon libre per començar, amb de frasas aisidas, un pauc de cultura…

Non, vòli pas aprene le catalan (pas encara, lol) ! Es sonque per veire las semblenças, las diferencias, coneisser un pauc de lor cultura eca. Ai una granda admiracion pels catalans, qu’arríban a faire çò que voldriái veire dins nòstre país. Se Tolosa podriá essèr bilingüe coma Barcelona… faire mas pichonas crompetas en occitan, quin sòmi ! (i a qualques possibilitats ara, mas es pas pron, ne vòli mai !)

Lutz, I have a dream that one day…

❦

1. Axel — 2008-08-30 – 16:27:53 GMT 2

   Catalonha es un paradis per la diversitat lingüistica. Se poguèssem aver en Occitània soncament 1% de çò qu’an ailí en catalan, seriái ja fòrça content!!!! E tamben l’occitan es oficiau en Catalonha… An l’astre lei catalans Soncament espèri que contunhen ambé la diversitat e qu’assajen pas d’impausar un monolingüisme catalan…