[nb] Etam o sap : les « jeans » son de bragas occitanas !

Uèi, en vila, ai vist aquela aficha dins la botiga Etam, carrièra Alsaça-Lorena :

[nb] Colleccion devalada/ivèrn 2008-2009

E òc, parli de çò que coneissi (la mòda feminina) ! Les desfilats o dison : i a encara de negre e de gris coma colors de la sason que ven. Òc ben, anèm veire çò que se fan dins le « vestit occitan » :

[nb] Universitat de Tolosa lo Miralh

Sabi pas encara ont vau prene de corses d’occitan a la dintrada. Aviái pensat, plan segur, als corses de l’IEO, a l’Ostal d’Occitània, mas… es de nivèl 2 aquesta annada.

N’i a d’autres, segur, endacòm mai en vila, mas… i voldriái pas anar le ser…

Per quasi lo meteiss prètz (per an), i a la fac. Pas una licença, non, soi pas fòla ! Le DUEPL me sembla interessant… qualques oras per setmana, çò que me daissairá lo temps de trabalhar (cal plan ganhar sa vida !) Le sit m’entressenha un pauc (3 semestres, 4 UE) mais compreni pas tot (quina UE dins quin semetre ?). Alara, dijòus, i soi anada !

[nb] Català

Aqueste matín, al corrièr, un libre qu’aviái crompat sus la teula : « Le catalan de Poche ».