I caliá anar ! ;)

15 Decembre 2008 — Lutz

L’anoncèri fa un bon mes en pagina principala d’aquel blòg :

I cal anar… veire Lou Dalfin, que joga amb La Talvera e Les Frères Cornic, lo 12 de decembre a Rabastens ? ;)

Bon ambient, la pichòta sala de Rabastens foguèt lèu plena, qualques del Bloguitge venguèron : la Mela, que m’a fait plaser de l’encontrar dins la vida vertadièra (e que dancèt amb le Sergio, si, si, ne pòdi testimoniar !), le Joan, le Clamenç que-se-passa-pus-res-sus-son-blòg, le Marçau (segur) e ieu (tanben…) ! :D

Vaquí qualquas videòs (presas amb mon telefonet, doncas de qualitat un pauc marrida) de la serada :

Un tròç de La Talvera, qu’ai pres en pensant a la Sandrina, en Belgica, qu’auriá ben volgut venir, mas que li fa tròp luènh…

Per les qu’an mancat la debuta de Lou Dalfin ! :)

(Lou Dalfin, la seguida…)

Res de melhor qu’un bon Se Canta amb lo public ! ;)

Final, La Talvera e Lou Dalfin « Carnaval es arribat, fuma la pipa sens tabat ! »

Bon, devi ben confessar que per ieu, le grand bonur de la serada foguèt de veire Lou Dalfin, existon de verai !!! :D Disi aquò perque soi fan, La Talvera e Les Frères Cornic faguèron plan dançar tot le monde tanben ! :)

❦

Qualques ligams :

La Talvera (siti) / La Talvera (myspace) // Lou Dalfin (siti) / Lou Dalfin (myspace) / Lou Dalfin (entrevista oc-tv) // Les Frères Cornic (siti) / Les Frères Cornic (myspace)

>> Info de darrièra minuta : una videò de plan bona qualitat se pòt veire sul blòg de la Mela CLICATZ <<

Mandat dins forra-borra. 6 comentaris »

6 responsas a “I caliá anar ! ;)”

  2. jp la rapieta Says:
    15 Decembre 2008 a 9:29

    Adiu,
    Faliá i ‘nar d’autant mai que lo 13 de decembre, quò eriá la Santa Lutz, la festa dau retorn de la lutz sus lo monde, adonc, perdequé pas festejar quò musicalament :)

  3. the wonderful Mela Says:
    15 Decembre 2008 a 11:05

    Ba, ieu me regalèri a aquesta serada. LA talvera que ne soi fan fan fan e Lou Dalfin que ne soi fan fan fan tanben, mancava pas que Massilia e aviam la serada de mos sòmis. LOL
    PLan contenta de te rescontrar a tu tanben. Auriam pogut parlar un pauc mai e auriam quequejat ensems. Mas ieu, soi una salvatja.
    Lo poton e mercé per las videos!
    Esperi que thierry las metrà lèu en linha las seunas

  4. Lutz Says:
    15 Decembre 2008 a 16:18

    Jp >> mercé d’i aver pensat ! ;)
    Mela >> me regalèri tanben, auriam pogut parlar, quequeji pus tant qu’a una epòca ! ;) Te tròbi pas ant salvatja qu’aquò ! (benlèu que ne soi un pauc una tanben, mas plan amagada !) :D
    S’as de novèlas de las autras videòs, diga-z-o ! Potons, a un autre còp ! ;)

  5. Joan Says:
    15 Decembre 2008 a 16:43

    Mercé plan de las vidèos del concèrt. Almens, los que i poguèrem pas anar ne podèm aver una idèa. Soi content de la capitada qu’aguèt. Per quant a la qualitat de ton enregistrament, la qualitat rai, ta bona volontat es mai importanta!

  6. Lutz Says:
    15 Decembre 2008 a 22:04

    Ben en esperant melhor del Thierry, se caldrà contentar d’aquò ! ;)


Daissar una responsa

«

»