Bon nadal a totes !

Benlèu que soi desconectada, mas ai pensat a vautres a l’avança, e programat aquel messatge !

Ors de Nadal © La Paulèta (es la maire que me l’ai fait, es polit non ?)

Desconectatz-vos !

… la vida vertadièra es endacòm mai !

Bon, bon, disi aquò sens i creire… pòdi pas viure sens web ieu, soi una nolife…
Mas serai desconectada un mes (SFR m’an dit : 4 setmanas avans de recebre ma 9box)
Pffff…

A lèu, los amics !

I caliá anar ! ;)

L’anoncèri fa un bon mes en pagina principala d’aquel blòg :

I cal anar… veire Lou Dalfin, que joga amb La Talvera e Les Frères Cornic, lo 12 de decembre a Rabastens ?

Bon ambient, la pichòta sala de Rabastens foguèt lèu plena, qualques del Bloguitge venguèron : la Mela, que m’a fait plaser de l’encontrar dins la vida vertadièra (e que dancèt amb le Sergio, si, si, ne pòdi testimoniar !), le Joan, le Clamenç que-se-passa-pus-res-sus-son-blòg, le Marçau (segur) e ieu (tanben…) !

Lo questionari coquinassonet

E pof, un tag dins la cara de tota la chorma de l’OLC ! Le collectiu sonque creat dempuèi qualquas oras, nos fasèm ja tagar per Maime, pregadas de respondre al questionari coquinasonet ! Manièra que siá pas la primièra intervencion sul blòg del collectiu, i respondi amb plaser, mas aicí !

Naissença oficiala de l’OCL ! :)

E vaquí, vos pòdi anonciar la naissença oficiala de l’Occitània Leopard Crew !

L’Occitània Leopard Crew es nasguda d’una galejada entre filhas qu’aimavan le teissut leopard sus Facebook, le nom es tombat, e l’idèia de ne faire un blòg collaboratiu de gojatas a lèu seguit… Vos daissi descubrir tot aquò !

(ligam > cliquatz sul imatge)

❦

Enfin de novèlas !

Doncas, coma disiái, sabi enfin ont demorarai dins una o doas setmanas !

Trobèri a la fin d’octòbre un apartament que deviái aver a la debuta de novembre (yeah, òsca l’agencia !), a San Miquèl, a costat del metrò ! Quicòm coma 35m2, mas per ieu tota sola, me va faire de ben !

E coma (galejada privada inside) soi de l’Occitània Leopard Crew©®, ne devi botar en çò mieu, de l’estampat leopard !

❦

(tot aquò m’inspira une musica positiva ~ Feist, 1234)