Sortissent d’en cò d’un « amic » car, e anant al vernissatge del Pons, mon ancian profesor de dessenh, un pauc preissada perque tardièra (coma de costuma), passi davant le Centre Comercial St-Georges. Vesi un punk (amb un Harrington e de rangers, un punk de basa, qué !) que me seguís. Me disi « mmhhh, cresi que me va venir parlar, el, çò que m’arrenga pas, ai pas le temps ». Ganhat ! 
« Vas al Capitòli ? me demanda le tipe
— Bah, non, perqué ?
— Per parlar sul camin (i a des originals !)
— Vau a Jeanne d’Arc, se marchas lèu lèu, soi ja tardièra, podèm charrar !
— Te seguissi fins a Jaurès, me ditz… »
Bon. Me demanda mon pichon nom, s’ai de fuòc, me remerceja amb un poton… macarèl… es ben le primièr còp qu’ai un ticket amb un punk ! (hihihi !) Simpatic le tipe, mas un pauc tròp plen de bièra (a 6 oras… tsss…) Me conta sa vida de SDF mobil que li permet d’anar de concèrt en concèrt, liure… Me ditz « bon, Lutz, un fum de bonas causas per tu, per totes les aspèctes de ta vida ! » (bah mercés, n’ai plan besonh, li respondi…) e me daissa a Jaurès amb un darrièr poton e me fa un signe de la man en disent « enjoy yourself ! ». Aquò’s afectuós, un punk ebri. 
25 Octòbre 2008 a 21:24
Deviá pas èsser ieu, lo punk. Soi afectuós mas rarament ebri. E, ara me’n membri, ai pas cap de Harrington, nimai de rangers. Doncas non, pòt pas èsser ieu.
E lo velo del messatge abans tanpauc èra lo mieu.
De còps, me demandi se vivem dins la meteissa ciutat.
26 Octòbre 2008 a 2:27
Es una granda ciutat, s’i crosa un fum de monde…
Ès anat veire lo passa-carrièra ?
27 Octòbre 2008 a 1:06
Ben oc-es los quites gros durs an un còr, amai magat jós un Harrington e daus rangers !!